كتب:-خالد الجارحي
آلاء هشام تروى تفاصيل بتر ذراع طفلها نتيجة الإهمال الطبي.
انهاردة اتعملت اول عملية لبتر ذراع ابنى اللى لسة يدوب ما كملش اسبوعين
الحمد لله ده قضاء ربنا وقدره واحنا راضيين به ومسلمين لمشيئته اللى اكيد فيها الخير والرحمة
لكن ده ما يمنعش ابدا انى ادور ع حق ابنى وحق اطفال كتير ممكن يكونوا ضحية الاهمال الطبى
ابنى اصيب بجلطة فى ذراعه بسبب تركيب كانيولا فى الشريان بدل الوريد
اثناء وجوده فى حضان الدلتا بكفر الشيخ
المصيبة الاكبر انه الدكتور اللى بايت معاه فى الحضان ماعرفش ان دى اسكيميا ولا عرف يتعامل معاها ازاى وده ببساطة لانه ممارس عام غير مؤهل انه يكون الطبيب الوحيد المسؤل عن اطفال حديثى الولادة معظمهم حالات حرجة
الناس دى ضيعت ع ابنى اول ٦ساعات اللى كانت ممكن تنقذ ذراعه
انا وجوزى زى مصريين كتير قوى خدنا ابننا ع حضان بندفع مبلغ وقدره فى اليوم الواحد لكننا ما كناش نعرف ابدا انها تجارة قذرة
وان الدكتور الجشع صاحب الحضان بيسترخص ويجيب دكاترة تكليف يباتوا مع الحالات بدل ما يجيب نواب نيونيت
دكاترة لا تقدر تتعامل مع اى مضاعفات تطرأ ع الاطفال ولا حتى تميزها وتستدعى حد يقدر يتعامل معاها ولا حتى يبلغونا عشان نحاول ننقذ ابننا
انا مش هسيب حق ابنى ابدا برغم التهديدات اللى بتيجى لزوجى
وواثقة ان ربنا هينصرنا
حسبى الله ونعم الوكيل.
